Semente100x10

15 de Febreiro de 2014
Autor/a: 
Semente

100 X 10: A Semente inicia umha campanha para conseguir 100 pessoas colaboradoras que acheguem 10 euros por mês A Semente, o projeto autogerido educativo em galego para nenas e nenos de 2 a 6 anos em Compostela, procura pessoas que colaborem economicamente com o projeto. A campanha 100 X 10 tem como objetivo alcançar 100 pessoas que colaborem com 10 euros cada mês.

A Semente de Compostela é umha realidade com três anos de trajetória e configura-se como um dos projetos de transformaçom social mais destacáveis na atualidade, umha realidade que se desenvolve graças a um processo de participaçom social em que colaboram maes e pais, ativistas do centro social do Pichel e pessoas e organizaçons colaboradoras.

As Escolas de Ensino Galego Semente som umha iniciativa social, autogerida, sem ánimo de lucro, impulsionada pola Gentalha do Pichel, que pretende conformar, junto com outros projetos semelhantes, as bases necessárias para a criaçom da Escola Nacional Galega. Nas Escolas de Ensino Galego, as atividades som desenvolvidas na língua do nosso povo, favorecendo a aquisiçom, conservaçom, cuidado e consolidaçom da mesma. Entendemos o idioma galego como parte indissolúvel da nossa cultura, da nossa história e do nosso futuro, e defendemos o seu carácter internacional. Criando um espaço de interculturalidade, formentará-se a importáncia do respeito ás outras culturas que vivem no nosso país.

As Escolas de Ensino Galego som um espaço de uma pedagogia transformadora ao serviço dos interesses populares. Defendemos para o centro de ensino princípios como a coeducaçom, laicidade, assemblearismo, interaçom com a natureza, respeito pola autoregulaçom da criança, integraçom no contexto do seu bairro e da cidade...

O formulário de colaboraçom está disponível nesta ligaçom: espacioseguro.com/agal-gz/semente/inscricom_semente.html

Mais informaçom sobre a Semente Compostela, aqui: sementecompostela.com/ Contato: Tfne: 881819637-607901506 info@sementecompostela.com

Enviar un novo comentario

  • Etiquetas HTML permitidas: <a> <em> <strong> <cite> <code> <ul> <ol> <li> <dl> <dt> <dd>
  • As direccións das páxinas web e as direccións de correo se convirten en enlaces automaticamente.
  • Saltos de liña e parágrafo automáticos.

Máis información acerca das opcións de formato

CAPTCHA
Esta pregunta é para probar que vostede é un visitante humán e prever o envio de spam automático.
CAPTCHA imaxen
Enter the characters shown in the image.