Quen nos dese a nós, ou á metade de nós, a memoria de Ángel Campos, unha enciclopedia sonora do Entroido coruñés e as súas coplas. Foi por ese mp3 sentimental que atesoura que Xurxo Souto convidou a Ángel a participar na botadura das súas Barriografías a bordo dun dos autobuses urbanos que percorren cada día a cidade. Aquí podes escoitar a gravación dese programa:

ivoox.com/barriografia-1-lina-7-do-bus-audios-mp3_rf_2062086_1.html

Que é Música en Branco? Unha intervención urbana que investiga, documenta, difunde e pon en valor a memoria musical e sonora deste barrio da Coruña, converténdoa nunha ferramenta para a participación e a innovación social.