A revista galega de pensamento feminista Andainda organiza a terceira edición do MUFEST, Festival de Cine feito por Mulleres, que se celebrará nas datas do 22 ao 25 de febreiro de 2012, a partir das 19.30h no Centro Galego de Arte Contemporánea (CGAC) na cidade de Santiago de Compostela.

O MUFEST é un festival audiovisual que promove o crecemento cultural e artístico e o impulso das futuras directoras, produtoras e guionistas, onde teñen cabida curtametraxes de animación, de ficción e documentais. Apoia a creación de novas obras audiovisuais que amosen novas perspectivas, tanto sociais como culturais, fomentando a diversidade e a visibilidade.