Caderno

Galiza Contrainfo apoio o comunicado pola liberdade de dous fotoxornalistas detidos en Madrid

Galiza Contrainfo sumouse ao manifesto lanzado polo colectivo de contrainformación Fotogracción, para expresar a repulsa pola detención de dous fotoxornalistas en Madrid, criminalizados polos medios de comunicación por ser testemuñas incómodas da represión aos movementos sociais. Este grave feito atenta contra a liberdade para informar.

Nós temos sido multadas polo mero feito de gravar ou facer fotos de concentracións ou manifestacións, pero está claro que camiñamos cara a un Estado de excepción, que temos que denunciar e facer fronte.

Deixámosvos aqui o comunicado que apoiamos, traducido ao galego:

Galizacontrainfo estreámonos nas redes sociais

Abrímonos cara novos espazos desde Galizacontrainfo estreando perfil en Facebook e Twitter para difundir o noso traballo de video e fotoactivismo, asi como para visibilizar tamén o traballo que desde outros colectivos fan tamén neste campo, xa que divulgaremos tamén os videos que subimos á sección de panorámicas, e tamén a Olladas que é o espazo adicado a traballos de caracter creativo e á música en galego.

Mentres comezamos a traballar nun cambio importante na nosa web, queremos a través destes novos lugares ter unha maior interacción con todas vós, que vos animedes a participar deste proxecto, coas vosas fotos ou videos, e que continuemos buscando camiños xuntas fóra da información como espectáculo, do coñecemento como mercadoría e do consumo pasivo de imaxes alleas ás nosas vidas.

Denunciar e combater, resistir e crear.

Fotoxornalismo consciente e combativo desde Madrid: Olmo Calvo

Desde este blogue queriamos dar a coñecer o traballo do fotoxornalista Olmo Calvo, que forma parte de "El Diagonal", e que publicou recentemente un video, "En crisis", que vos animamos a visualizar e difundir.

Esta peza de sete minutos achega a ollada deste fotoxornalista, que desde unha perspectiva crítica e valente, sinala neste video: "nos últimos anos a crise penetrou nas nosas vidas no persoal e no profisional. Cada un percíbeo e víveo dun xeito distinto. Eu, do mesmo modo que moitos outros compañeiros fotógrafos, sufrimos a crise mentres tentamos retratala nas rúas das nosas cidades. Compartimos os procesos porque somos parte deles. Moitos deles son complexos para mostrar en imaxes".

48 horas e só 100 euros para rematar o micro-financiamento do novo documentario de Ateak Ireki

Ateak Ireki, a produtora independente e web de contrainformación basca, está a realizar unha triloxía sobre a corrupción e o malgasto dos cartos públicos  en Nafarroa. A triloxia chámase "Quién se ha llevado los dineros?", e a primeira parte xa está realizada e pódese ver na rede baixo o título "Los Trileros Forales".

A segunda parte céntrase na desaparición de Caja de Ahorros de Navarra, a principal ferramenta financeira do seu territorio. Para isto, van entrevistar ás principais testemuñas deste "roubo", que non son outros que políticos da oposición, xornalistas que investigaron os diferentes casos de corrupción e de mal uso do diñeiro da CAN, ex traballadoras/es da desaparecida Caixa, intelectuais navarros, avogadas que levan as acusaciónss contra os responsábeis de CAN, á asociación Kontuz, etc...

'Unha mesma situación, unha mesma resistencia. Guatemala e Galiza'.

Disponibilizamos os videos da palestra celebrada o martes 30 de abril na Casa Museo Casares Quiroga, que contou coas intervencións das guatemaltecas Natalia Atz Sunuc -coordinadora daAsociación para la Promoción y el Desarrollo de la Comunidad CEIBA-, Paula Irene del Cid Vargas -asociación feminista La Cuerda- e a galega Isabel Vilalba -Secretaria Xeral do Sindicato Labrego Galego-.

Cámara oculta: novas políticas de violencia institucional

Xornadas anuais da Coordenadora para a Prevención e Denuncia da Tortura (CPDT) organizadas por EsCULcA (observatorio para a defensa de dereitos e liberdades). Ver lista de reprodución.

Desobediencia cidadá contra os desafiuzamentos na Coruña

Actualización: Vídeo http://blip.tv/galiza-contrainfo/mobilizaci%C3%B3n-contra-o-desafiuzamento-de-aurelia-a-coru%C3%B1a-6534325

Galería de imaxes aquí http://www.flickr.com/photos/47009921@N02/sets/72157632799350312/

Ao redor das dez da mañá preto de 300 de persoas se concentraban na rúa Padre Feijoo convocadas pola plataforma Stop Desafiuzamentos da Coruña para evitar que boten da súa vivenda a Aurelia, unha muller de 85 anos. Cara o mediodía a xente celebraba a nova de que a comisión xudicial decidira a paralización temporal do desaloxo, mais ás dúas, cando uns poucos activistas estaban no lugar, aparece un amplo dispositivo policial para cortar a rúa  e executar a orde xudicial. En resposta varias decenas de persoas volven a concentrarse no lugar. As tres da tarde a xente racha a barreira policial producíndose diversos enfrontamentos cos antidisturbios e a policía local. Sobre as tres e media os corpos represivos e funcionarios xudiciais retíranse ante a imposibilidade de romper a cadea que pechaba o portal e pola presión exercida polas veciñas e veciños da cidade. Nas próximas horas haberá fotos e vídeo do acontecido. Si se pode!

Róubannos a outro compañeiro: quéremolos na casa!

Escoitamos a nova aínda sen coñecer a identidade da detida, e volvimos ter esa sensación previa á perda, á certeza de que se van levar a outro amigo, a outra compañeira, ese sentimento de baleiro, saber que nos vai faltar alguén, e vai ser un máis na cadea de dor que levamos nos nosos petos por momentos.

Mais desta volta, máis alá desa mágoa, tamén nos sentimos menos soas, porque había moitas outras que se somaban a nós nas rúas, que lle lembraban aos "xornalistas", a eses que fan negocio e espectáculo co noso sofrimento, que non imos aturar con todo, que estamos fartas das súas mentiras interesadas, que máis alá do noso pesar tamén temos raiba e perdimos o medo, e Senlheiro, e as outras oito compañeiras dispersadas a centos de quilómetros da súa Terra, están rodeadas do alento que lles enviamos con cada xesto de desacordo a súa imposición do que é a "sociedade galega", do que é lexítimo e do que non.

Nós tamén queremos estar aí, posicionámonos porque non pretendemos ser obxectivas. Nós estamos co Senlheiro, e coas presas e presos galegos, dispersados sen xuízo e baixo a lexislación antiterrorista, que vulnera os seus dereitos humanos.

Nós estivemos en Compostela, en Vigo, en Ourense e na Coruña. E non imos ficar caladas.

Moito ánimo Senlheiro!

O venres Galiza Contrainfo participará do II Ciclo de Curtas e Documentarios do Colectivo Carballas, no Rosal

No Centro Polivalente do Rosal, o venres 14 de decembro participaremos convidadas polo Colectivo Carballas do Rosal, no II Ciclo de Curtas e Documentarios destes activistas do Baixo Miño.

Será as 20.30 da tarde e traeremos a este acto unha selección das nosas videocrónicas do último ano, e presentaremos o noso colectivo de contrainformación.

Desde aqui agradecemos o convite ao Colectivo Carballas, e animámosvos a participar deste interesante ciclo.

Cineclube de Compostela: Entrevista co cineasta portugués Pedro Costa

O Cinclube de Compostela ven de publicar unha interesante entrevista co realizador portugués Pedro Costa, creador de filmes que fuxen da representación convencional, transitando polo documental, a ficción e a poesía, como as emblemáticas No quarto da Vanda (2000) e Juventude em Marcha (2006): http://cineclubedecompostela.blogaliza.org/2012/12/06/%E2%80%9Ceu-acho-q...